Lupit

Palo
Sa aking umaga'y gumising
Tahimik kong daigdig
Nabulabog nang palong kay lakas

Hampas
Sa aking balikat ay lumagapak
balikat kong manipis
biglang namula; bakat
kamay na malupit

Hataw
Sa binti kong mahubog
binti'y kong nangitin
Nanghina, namaluktot
Sa kahoy na pinanghataw

Hagupit
Sa katawan kong mura
Kikod ko'y natamaan
braso ko'y nahagupit
ng sinturong masakit

Hablig
Sa akin ay nagpasandig
Sa sulok ng kamang
Magdamag kong pahingahan
O bakit ganito?
umaga ko'y bangungot
sa among walang puso
buhay ko'y mistulang 'mpyerno
sa bansang banyaga

Yakap
ng pamilyang iniwan
pangarap sa tuwina'y
sabik na makasama
sa bawat araw.