Prologue

Kapag nakatanggap ng parehong misteryosong mensahe ang pitong magkaibigan sa loob ng sinehan, akala nila'y isang biro lamang-hanggang sa madamay ang buong estudyante ng Engineering campus sa isang nakamamatay na laro. Walang sinuman ang dapat magsumbong sa mga guro. Walang lihim ang dapat kumalat. Isang pagkakamali lang... may mamamatay.

Akala ni Hiraya, kailangan lang niyang lampasan ang Calculus, pagkabigo sa pag-ibig, at mga gawain sa org. Pero ngayon, nag-iba ang kahulugan ng salitang "buhay": katahimikan, mga lihim, at ang paglutas sa misteryo bago may susunod na bangkay.

"Sa kampus na puno ng katahimikan, may lihim na naghihintay na mabunyag."