Author's Note

Sa isang lumang paaralan na tinatawag na Dreadmore Academy, isang kompetesyon ang nagaganap sa pagitan ng mga mag-aaral upang makamit ang pinakamataas na ranggo sa academic list. Ang mga matatalino, masipag, at may pangarap na makilala, ay nagsusumikap nang buong puso. Ngunit sa kabilang banda, may mga mag-aaral na handang gumamit ng mas madilim na paraan-pinadadalhan ng suhol ang mga guro at opisyal, at ginagawang sandigan ang kanilang kapangyarihan upang mapataas ang kanilang mga anak sa listahan.

Isang araw, nailabas na ang listahan ng mga academic achievers sa unang kwarter. Nagulat ang lahat dahil yung mga kilalang matatalino ay nasa huli. Isang batang matalino at mapanuri na nagngangalang Roseanne ang nakakita sa katiwalian nila. Hindi niya matanggap na ang katotohanan ay napupuno ng kasakiman at kasinungalingan. Hindi niya kinaya ang pagkakaiba-iba ng hustisya-ang mga anak na may kapangyarihang bayaran ay nakukuha ang lahat, habang ang mga mas karapat-dapat ay nagdurusa.

Matapos ang di makatuwirang pangyayari pag-iisa, nagpasya si Roseanne na wakasan ang kanyang buhay. Ngunit hindi siya tuluyang nawala. Ang kanyang espiritu, na puno ng galit at pagkadismaya, ay nagising sa dilim, naghahanap ng paraan upang maghiganti. Sa bawat gabi, nagsisimula siyang maglakad sa mga madilim na koridor, bumubulong sa mga nakikinig, at nagpapakita sa mga nagkakamaling mag-aaral at guro.