BACK TO YOU

Sa isang pagwawakas, hindi maaaring walang masasaktan. Isa man sa inyo, o kayong dalawa pareho. Sa bawat mga hakbang palayo, ay ang unti-unting pagkawasak ng mga puso. Sa pag-angat ng kamay upang punasan ang mga luha, may naglalandas na panibago.

Isang pangakong ikaw lang ang naglikha. Paninindigan na magkahiwalay niyong ipinaglalaban. Pero sa hindi inaasahang pagbitaw ng isa para sa iba, alam mong may magbabago, at inaasahan niyo na ito.

Pero hinahayaan niya lang. Dahil alam niyang babalikan mo siya. Babalik ka sa kanya. Babalik kayo para sa isa't isa.