Prologue

Sadya nga bang nakapagpapabago ng isang tao ang pag-ibig?

Ito ang kuwento ng isang manager ng isang malaking kumpaniyang pinamamahalaan ng kanilang pamilya. Mayaman, matalino at bata pa para sa kaniyang posisiyon. Subalit sa kabila nito ay kilala siya bilang mataray, short-tempered, at kung minsan ay may katigasan ang ulo.

Ngunit lingid sa kaalaman ng marami, may isa siyang sikretong tanging iilan ang nakakaalam - Siya ay mayroong Bipolar disorder.

Isang araw, sa isang hindi inaasahang pangyayari, magtatagpo sila ng landas ng isang lalaking may kakaiba ring kalagayan.

Dalawang taong magkaiba ng kapalaran, subalit parehong hinuhusgahan dahil sa kanilang kondisiyon. Paano nilang mamahalin ang isa't isa?