හැඳින්වීම

" දන්නවද අභී..! එයා හරියට වැස්සක් වගේ...!"
" වැස්සක් !?...''
'' ඔව් වැස්සක්...එයාගෙ ආදරෙත් හරියට වැස්සක් වගේ...කාලයක් මාව ඒ වැස්සෙන් තෙම්මලා....එයා යන්නම ගියා..! මගෙ ජීවිතේ කාන්තාරයක් කරලම..!"
" මට බැරිවෙයිද ඒ වැස්ස වහිනකම් බලාගෙන ඉන්න කාන්තාරයට වැටෙන පළවෙනි වැහි බිංදුව වෙන්න! මන් පොරොන්දු වෙන්නම්...! හැමදාම ඔයාව ඒ වැස්සෙන් තෙම්මනවා කියලා...තෙමුණා ඇතියි කියලා හිතෙනකම්ම! "
" ඔයාට විශ්වාසද ! "
" ඔව්...! මට විශ්වාසයි! කවදාවත් ඔය හිතේ පළවෙනි තැනක් මට ඕනි නැහැ...ඒක අයිති ඔයාගෙ පළවෙනි ආදරේට විතරමයි...ඒත් මට එක දෙයක් පොරොන්දු වෙන්න පුළුවන් ...!"
" ඒ මොකක්ද ! "
" ඔයාට දෙන්න පුළුවන් හැම සතුටක්ම මන් දෙනව කියන එක! කවදාවත් ඔය බෝල ඇස්වල සතුටු කඳුලු මිස වෙන කිසිම කඳුලු බිංදුවකට තහනම් තැනක් කරනව මම..."