ភាគ១:ចាកចេញពីcomfort zone

អង្គារសិល្ប៍ជាឈ្មោះផ្ការបស់ប្រទេសចិនមួយប្រភេទវាតំណាងអោយភាពត្រជាក់ត្រជុំក្នុងគ្រួសារហើយនឹងតំណាងអោយភាពសុខសាន្តក្នុងគ្រួសារ។មែនហើយ!អង្គារសិល្ប៍ជាឈ្មោះរបស់ខ្ញុំ ត្បិតតែផ្កានេះមានអត្តន័យល្អនិងតំណាងអោយសេចក្តីល្អគ្រប់ប្រការ ប៉ុន្តែជីវិតរបស់ខ្ញុំវាមិនបានស្រស់បំព្រងដូចឈ្មោះរបស់ខ្ញុំឡើយ។តាំងពីតូចដល់ធំខ្ញុំជាមនុស្សម្នាក់ដែលស្គាល់ពាក្យថាស្អប់ច្រើនជាងគេ មិនដឹងថាមកពីហេតុអ្វីឡើយ ខ្ញុំតែងតែជាអ្នកទទួលបានការវាយប្រហារ មិនថានៅក្នុងគ្រួសារ នៅក្នុងសាលាឬនៅកន្លែងធ្វើការទេ ខ្ញុំតែងតែទទួលបានការស្អប់ខ្ពើមពីអ្នកដទៃ។ខ្ញុំមានអារម្មណ៍ថាជីវិតមួយនេះវាពិតជាគ្មានន័យហើយក៏មិនចង់កើតមកនៅលើលោកនេះទេ តែថ្ងៃមួយអភូតហេតុក៏បានកើតមានឡើង នៅសុខៗខ្ញុំក៏អាចសន្ទនាជាមួយស្រមោលខ្លួនឯងបាន!ហើយស្រមោលរបស់ខ្ញុំជាមនុស្សប្រុស!