Description
Ito ang alamat ng araw. Isang bolang apoy na nalitaw mula sa silangan at nalubog sa kanluran. Ito ang alamat ng isang kapaligirang walang ulan. May mga sapa at ilog, may huni ng mga ibon sa isang parte ng taon na higit na mas mainit ang panahon. Tinatawag nila itong Tag-araw. Alamat na lang ang lahat. Dahil ito ang panahon ng walang hanggang Tag-ulan. Ang lahat ng kailangang tubig ay isinasaayos ng pinakamalaking kumpanya na PeterPiper. Matagal nang pangarap ni Manuel na maging Lead Programmer ng kumpanyang ito. Nais niyang mag plano at magdevelop ng isang Piping system na makakatulong sa lahat. Nasa pagtulong ang pag-asa niya. Sa pamamagitan ng pagdidisenyo ng isang sistema ng tubig na ligtas at convenient sa lahat. Hindi sya naniniwala sa araw. Para sa kanya, kwentong pambata lang ito na inimbento ng ina - na tulad ng araw ay bigla na lang nawala sa isang iglap. Hindi niya inaasahan ang paniniwala ni Thea, isang myembro ng sun warriors - isang organisasyon o relihiyon(kahit sila ay hindi nila matukoy kung ano sila) na patuloy na naniniwala sa Araw. Naniniwala sila na balang araw darating ito at sisikat muli. Hindi niya inaasahan na sya, si Manuel Sumikat, ang magiging susi sa muling pagsilip hindi lang ng araw, kundi ng pag-asa.
Chapter 1: Ulan, Ulan, Ulan
