Pulang Sinulid ng Tadhana

"Ikaw at ako, sa ayaw at sa gusto nating dalawa, ay magsasama habang buhay."

Responsibilidad.

Mula pagkabata ay iyon ang ipinamulat at tila sirang plakang paalala kay Fortunato bilang panganay na lalaki ng kaniyang henerasyon sa angkan ng mga Salvejo.

Kaya naman, kahit gaano pa kasidhi ang kanyang pagnanais na tuparin ang mga pangarap na malayo sa nakaatang sa kanyang mga balikat ay tinalikuran niya iyon.

Pikit-mata niyang tinupad ang huling kahilingan ng taong kahit kailan ay hindi niya makakayang suwayin.

Ang makaisang-dibdib ang babaeng napili nito para sa kanya.