ផ្តើមរឿង

ដំបូងគេជាសុភាពបុរសជិះសេះសបន្ទាប់មកគេក៏ប្រែក្លាយជាស្តេចបិសាចដ៏កាចសាហាវបំផុតសម្រាប់នាង គេដោះរបាំងមុខសុភាពបុរសរបស់គេចេញនៅពេលទទួលបានគ្រប់យ៉ាងតាមចិត្តប៉ងប្រាថ្នារបស់គេហើយ...ទង្វើល្អៗនិងក្តីស្រលាញ់ដែលគេធ្លាប់និយាយកន្លងមកសុទ្ធតែក្លែងក្លាយ។ ដេរ៍ស៊ី ហាលី នាងមាននាមជាប្រពន្ធនិងម្ចាស់ទ្រព្យទាំងអស់ដែល ឡូវែល រ៉ូប៊ីនសុន កំពុងសោយសុខរាល់ថ្ងៃ ប៉ុន្តែឋានះរបស់នាងនៅក្នុងផ្ទះមួយនេះមិនស្មើនឹងអ្នកបម្រើផង គេរៀបការជាមួយនាងមិនមែនដោយសារស្រលាញ់នាង តែគេរៀបការជាមួយនាងព្រោះសម្លឹងឃើញទ្រព្យដ៏ច្រើនមហាសាលដែលលោកប៉ារបស់នាងបន្សល់ទុកឲ្យនាងតែប៉ុណ្ណោះ មនុស្សប្រុសថ្លៃថ្នូរខ្ពង់ខ្ពស់ដូចជាគេគ្មានថ្ងៃស្រលាញ់មនុស្សស្រីដែលមានជំងឺភ្លេចភ្លាំងល្ងង់ៗដូចជានាងទេ។