Magic 1

May tatlong hiling ang pumayapa niyang lolo. Ang una ay pamahalaan niya ang academy na itinayo nito. Pangalawa, lumipat sa academy bilang isa sa mga estudyante. At ang pangatlo ay magpakasal sa taong hindi niya kilala at hindi pa nakikita.

Hindi niya magawang tumutol dahil kapag umayaw siya sa isa sa mga kahilingan ay ipagigiba ang academy na pinaghirapan itayo ng lolo niya. Masyado niyang mahal at iniidolo ang lolo niya kaya buong puso niya tinanggap ang kahilingan nito.

Akala niya sa pangatlong kahilingan lang siya mahihirapan. Iyon pala ay hindi magiging madali ang lahat. Dahil hindi isang ordinaryong academy ang Enchantasia. Isa itong academy for Magic users.