PROLOGUE

Isa-isa ng umaahon mula sa mainit na parte ng lupa ang mga itim at masasamang nilalang na kung tawagin ay Daimon na pinamumunuan ng isang malakas at nakakatakot nilang hari na si Azuzel. Kaakibat nito ay ipinadala naman ng pinuno ng langit na si Luther ang kanyang mga sugo, ang mga Archangels, sa lupa upang iligtas ang mga tao sa kamay ng mga Daimon.

Upang mapagtagumpayan na makatawid ang mga Daimon at Archangels sa lupa ay kakailanganin nila ang mga tao para makagalaw ng normal sa mundong ito at maisagawa ang kanilang misyon. Mabibigyan nila ng kakaibang lakas at sandata ang mga tao at ito ang paraan nila para makipaglaban sa kapwa panig.