Chapter 1

Naniniwala ka ba na ang lahat ng taong dumadating at makikilala mo sa buhay mo ay may nakatagong dahilan?

Lahat ng bagay, lahat ng pangyayari, at lahat ng taong makakasalamuha mo ay may kani-kaniyang magiging layunin sa buhay mo.

Hindi ito hamak na aksidente lamang, kung hindi ito'y nakatalang mangyari. Ito'y magkakakonekta na sa pagdating ng panaho'y unti-unti mong maiintindihan ang bawat detalye na ihahain sa 'yo ng daigdig.

Walang sino mang makakaputol ng tali ng kapalaran na nag-uugnay sa inyo. At pare-parehas na makakapagpabago ng buhay ng bawat indibiduwal.

Tunghayan natin ang kuwento ng buhay ni Niezia Mariano. Kasama ang kaniyang dalawang kaibigan na sina Laurene Abad, at Kate Mallari.