What he said

Isang malaking van ang pumarada sa tapat ng kanilang munting sari-sari store. Isang bagay na hindi araw araw nakikita sa kanilang lugar.

Ang daming posibilidad.

May mamimigay ba ulit ng school supplies? May shooting na halos baliktarin na ang buong lugar dahil sa dami ng gustong mangyari ni direk? O may artista?

Ang daming posibilidad.

"Kuya ano, may artista ba?" tanong ni Bebang na namimilog pa rin ang mga mata at halos umabot ng batok ang ngiti

"Walang artista, Bebang."

"Eh anong meron?"

Sumilip muna siya sa bintana, para makisiguradong hindi sila ganoon kalapit para marinig. At sa pinakamahina magagawang boses, sinabi niyang,

"Mas maganda pa sa artista."