Description
Simula high school, ginawa ni Rayder ang lahat para iwasan ang makulit niyang tagahanga na si Sunshine. Naiinis siya sa mga kabaliwan nito para lang mapansin niya. Kahit lagi niya itong tinataboy, lagi naman siya nitong sinusundan. Wala rin epekto ang pagsusungit niya rito. Sa halip, tutumbasan nito ng matamis na ngiti ang talim ng kaniyang mga tingin. Natahimik lang ang buhay niya nang manirahan sa America ang kaniyang pamilya. Pagkalipas ng sampung taon, bumalik si Rayder sa Pilipinas at muling nag-krus ang kanilang landas. Sa muli nilang pagkikita isa lang ang napagtanto niya, ang Sunshine na baliw sa kaniya noon ay ibang tao na ngayon. Naglaho ang matamis nitong ngiti at napalitan ng seryosong mga tingin. Tila balewala na siya sa dalaga na unti-unting bumago sa damdamin niya. May pag-asa pa bang mabawi ang dati nitong pagmamahal sa kaniya kung si Sunshine ang bagong kinakasama ng lolo niya? Paano niya pakikisamahan ang bagong Sunshine kung magkakasama sila sa iisang bahay? Malaman niya kaya ang dahilan kung bakit nawala ang kinang ni Sunshine?
BLURB+Author's Note
