အခန်း (၁)

ကချေသည်တစ်ယောက်ဟာ မင်းတစ်ပါး
အရှေ့ဝယ် ကပြအသုံးတော်ခံလာရတယ်။မင်းကြီးက မေးတယ် " ကိုယ်တော်တို့ သိလား "တဲ့။ ကချေသည်လေးဟာ ပြန်ဖြေတယ်။
"ပထမဆုံးတွေ့ဆုံမှု"ပါတဲ့။

ကချေသည်လေးဟာ သီချင်းတစ်ပိုဒ်ကိုဆိုညည်းတယ်။

"ပါးလျပေသော.....တိမ်ကြိုးမျှင်မျှင်
လေနှင်ရာ...သွေ့ချော်စွာ
ယိုင်နဲ့နဲ့ ဟန်မူပျော့
အသက်ငင်....မေတ္တာရေစက်လျင်
ခမ်းကပ် ပန်းမဖက်လျက်
ခြောက်သွေ့ပျက်နှမ်း......
မီးစာခမ်းလှချင်ပြီ......
အရှင်.....

သွားပါတော့ ဒီဘဝ......
ထားပါတော့....ဒီဘဝ...
နောင်များစွာသော.......ဤလောကတွင်
ရေစက်ကြိုးထုံး.....ပန်းကြိုးတိမ်မျှင်
အရှင်နှင့်အကျွန်ုပ် ဆက်နွှယ်ချင် စမ်းပါဘိ.....

အို.......ချစ်လှပေစွသော......
အကျွန်ုပ်ရဲ့......အရှင် ။"