Description
Crystal Abigaille Salazar Hidalgo, also known as Cash for her closest friends and students in their campus, always gets what she wants. Hindi lang mula sa mga magulang niya, kundi maging sa sariling kakayahan niya mismo. Hindi kasi siya tumitigil hanggang sa makuha niya ang anumang gustuhin niya. At dahil doon ay bilib na bilib sa kaniya ang mga taong nakapaligid sa kaniya, lalo na ang mga kaibigan niya na wala nang ibang magagawa kundi suportahan siya sa mga gusto niya sa buhay dahil wala lang din namang makakapigil sa kaniya. Iyon nga lang, kagaya ng sabi nila, there is always an exception to the rule and in any circumstances. At ang natatanging bumasag sa record ni Crystal na dinaig pa ang stars sa galaxy at kahit kailan yata ay hindi na niya mari-reach ay si Ford Axel Salmero, ang kababata niya at kapatid ng bestfriend niyang si Chevvy Athena. Bata pa lang sila ay crush na crush niya na ito. Noon pa nga lang ay kinukulit na niya at nagpapapansin na siya rito. Dumating pa nga siya sa point na nag-enroll talaga siya sa Montecillo University kung saan ito nag-aaral para lamang masilayan ito kahit nasa school sila. Doon kasi, kahit anong gawing pag-iwas nito, nagagawan niya ng paraan para magkrus ang mga landas nila. Pero sa tinagal-tagal ng panahong lumipas at lahat ng time, effort, at pagpapa-cute na ibinuhos niya ay deadma pa rin ang beauty niya rito . . . Kulang na nga lang, magsirko siya o tumawid sa alambre, mapansin lang nito. Magkakaroon pa kaya ng chance si Crystal para mapansin ng masungit at palaging seryoso na si Ford? O mananatili na lang bigo ang heart niya rito forever and ever?
MU Series: The Persistent Princess
