01

Mga piyesa ko'y sinusulat habang lumuluha.
Kasabay ng pagpatak ng luha, ay ang pagsigaw ng puso nahihirapan na.

Walang katapusang magsusulat ng mga letra,
ang librong ito'y pupunuin ko ng mga piyesa.
Piyesa na nagtataglay ng tunay kong nadarama,
piyesa na kung saan ako ay malaya.
Malaya upang pumili ng mga salita,
mga salita na galing sa imahinasyon kong kakaiba.

Mga kamay na hahawak sa panulat,
mga mata'y imumulat,
lungkot na di masukat mula sa nakaraan ay mauungkat.

Isa, dalawa, tatlo magsusulat na ako.
Puso ko, matatapos na ang paghihirap mo.
Mga mata kong namumugto,
sa wakas matutuyo at mauubos na ang luha mo.

Lahat ng nararamdamang matagal kong itinago,
ihahayag sa mga letrang nakapaloob sa bawat pahina nito.

Hangga't nabubuhay ako,
pupunan ko bawat blangkong pahina mo.
Sa katapusan ng paglalakbay ko,
libro ng mga piyesa ko ay iiwan ko.
Sa paghimlay ko,
kalungkutan ang s'yang katabi ko.