Epigraph

Hanggang kailan mo kayang maghintay kung sa tuwing babalikan ka niya ay palagi ka rin niyang iniiwanan?

Handrex Cruise, kilala siya ng halos lahat hindi lamang dahil sa apelyedong nakakabit sa pangalan niya o ang biglaang paghihirap ng angkan niya kundi dahil sa angkin niyang katangian na dahilan kung bakit halos lahat ng dalaga sa paaralang pinapasukan niya ay nagkakandarapa sa kaniya. Sino nga bang hindi magkakagusto kung lahat na ata ng nasa checklist ay pasok na pasok siya?

Matangkad, matalino, seryoso, masungit, tahimik, isnabero, mga katangiang talaga namang nagpapahulog sa lahat ng dalaga sa paaralang iyon hindi lamang iyon dahil talagang nililingon siya ng lahat dahil sa taglay niyang kakisigan at well kagwapuhan. Almost perfect at walking royalty prince iyon ang madalas na idepina sa kaniya ng lahat ngunit sa kabila ng atensyon na nakukuha niya mula sa mga kababaihan ay ni minsan wala s'yang pinag-aksayahan ng oras, ni hindi niya binibigyang atensyon ang kahit na sinong dalagang nais mapalapit sa kanya, para sa kanya ay iisang babae lamang ang nag-eexist sa mundo niya na siyang dahilan ng pagsusumikap niya.

Woman hater siya, iyon ang isa pa sa umuugong na depinisyon sa kanya ng mga kababaihan sa paaralan nila dahil sa kabila ng pagiging sikat sa mga babae ay ni minsan wala silang nabalitaang naging nobya nito o binigyang pansin, madalas ay galit pa nga raw ito sa tuwing susubukang kausapin ng babae na para bang palagi itong iritable sa presensya ng kalahi ni Eva ngunit hindi alam ng lahat na mayroon siyang munting sikreto.

Sikreto na walang ibang nakakaalam kundi ang kapatid ng bestfriend niya, si Jane Salvador na kung sa anong dahilan ay nagagawa nitong makuha ang atensyon niya ngunit limot naman ng dalaga ang lihim niya.

Start: October 7, 2022