PROLOGUE

Pakiramdam ni Sivero ay pinaglalaruan ng tadhana ang kanyang buhay. Sa unang pagkakataon pa lamang kasi ay nakuha na ng isang babae ang kanyang pag-ibig. Ngunit kasawian lamang ang dinulot sa kanya dahil ang inaakala niyang babaeng nakatadhana sa kanya ay ang magiging ina pala ng kanyang tunay na mate.

Hindi mawarian ng future alpha ang kanyang mararamdaman sa kakatwang sitwasyon na kinalalagyan niya. Mahal niya si Zinnah ngunit ang magiging anak nito ang nakatadhana para sa kanya.

Halos huminto sa pag-ikot ang kanyang mundo ng tuluyan ng wakasan ng Tadhana ang buhay ng kanyang iniibig kasabay sa pagsilang nito ng isang malusog na sanggol na babae na siyang tunay na nagmamay-ari ng halimuyak na naging kaakit-akit para sa kanya sa pag-aakala na kay Zinnah ito.

Gayonpaman, nakasisiguro si Sivero na wala siyang nararamdaman ni katiting na pagmamahal para sa tunay niyang mate. Kung mayroon man, iyon ay dahil anak siya ni Zinnah, at tanging hanggang doon lamang.

Rejection ang naisip niyang solusyon upang tuluyan na niyang mapalaya ang kanyang sarili sa tali na nag-uugnay sa kanila ng nakatakdang luna ng kanilang pack.

Rejection sa pagtungtong nito sa ikalabing-walong taong gulang. Wala na siyang ibang pinakahihiling kung hindi palayain ang sarili na para sa kanya'y hindi makatarungang pagpapasya ng tadhana sa kanyang kinabukasan.

Rejection, na kung saan hindi niya aakalain na matutuhan pala niyang mahalin ang anak ni Zinnah nang higit pa sa kanyang pag-ibig para dito.

Rejection, na pagsisisihan niya buong buhay niya.

Mapapatawad ba siya ng luna sa minsang pananakit sa kanyang damdamin?

O tuluyan nang makakain ng galit ang puso ni Zarmaine laban sa kanyang alpha?