Description
Apat. Mayroong apat na patakaran sa angkan ng Romero na siyang dapat sundin ng bawat membro ng pamilya. Ito ay itinatag ni Pablo Romero- ang pinagmulan ng aming salinlahi, kung kaya't ito'y tinawag rin sa kabantugang, 'Utos ni Pablo'. Ayon sa kwento ng mga nakatatanda, kabilin-bilinan ni Pablo bago maubos ang kaniyang hininga na huwag suwayin ang apat na patakaran. "Sa oras na may sumuway sa aking bilin, ako ay muling babalik", ani niya. Ako ay natawa sa mga kuwentong aking narinig. Siguro ay nagbibiro lamang si Pablo nang sa gayon ay walang lumabag sa kaniyang mga utos. Sa buong buhay ko ay naniniwala akong biro lamang ang mga ito. Ngunit ako'y nagkamali. Sa ikalabing-walong tag-araw na aking nasaksihan, muling bumangon si Pablo. At kaniyang winasak ang payapa naming mga buhay. Ako si Camillo- isang Romero. Nasabi ko na ba sa inyo? Ako ang gumising kay Pablo. Dahil sinuway ko ang kaniyang mga utos. Ah, siya nga pala, sekreto lang natin ito... SINADYA KONG LABAGIN ANG KANIYANG MGA PATAKARAN. Dahil nais kong wasakin ang La Casa de Romero.
i
