Description
Genre: Fantasy, BL, Comedy, Romance, Drama, Action Language: Tagalog Synopsis: Payapang naninirahan ang lahat ng kaharian sa mundo ng Gaia, ngunit isang araw, si Haring Daemon, ang namumuno sa Kaharian ng Helios na siyang pinakamaunlad at may pinakamalaking lupain sa buong Gaia ay nakatanggap ng isang masamang pangitain. Si Haring Daemon ay sinabihan ng isang babaylan na may kapangyarihang makita ang hinaharap, na siya at ang kanyang kaharian ay pababagsakin ng isang nilalang na tinatawag nilang propesiya. Ang propesiya na ito ang siyang magpapabagsak sa Kaharian ng Helios at kay Haring Daemon upang pagbuklirin ang buong Gaia at mamuhay ng pantay-pantay at balanse. Ngunit, dahil sa kalupitan at kasakiman ng Haring Daemon, siya ay tutol dito at nais niyang ipapatay ang nasabing propesiya na siyang nakatakda na baguhin kung ano ang kanilang pamumuhay. Iminungkahi ng babaylan na nakakakita sa hinaharap na ang propesiya ay nagmula pa sa kaharian ng Apollo, ang kaharian ng mga manggagamot. Para kay Haring Daemon, madali niya lang masasakop ang kaharian ng Apollo dahil ang mga nilalang na naninirahan doon ay hindi marunong makipaglaban. Kaya naman walang pasubali na sinakop ni Haring Daemon ang Kaharian ng Apollo at dinakip lahat ng mga Apollan upang ikulong sa Kaharian ng Helios. Ngunit, lingid sa kaalaman ni Haring Daemon, ay may isang nilalang na nakatakas... at iyon ay walang iba kung hindi si Arkcray, ang nilalang na magpapabagsak kay Haring Daemon at sa kaharian ng Helios. Ngunit, paano gagawin ni Arkcray ang kanyang nakatadhang tungkulin kung siya ay isang Apollan na hindi marunong makipaglaban?
Chapter 1: Ang Babaeng Mananayaw
