Description
كمية الملل والحزن الي تمر بيها مراح ضر احد غيرك لمن تحس نفسك يوميا دا تتاكل بسبب الملل وماكو شي يحفزك تكوم تحقق أحلامك على الرغم انك شخص جدا هواي يفكر ويحلم هواي تحس أحلامك محبوسه براسك مو راضية تطلع يوميا تكول باجر تحس نفسك عجوز وانت بسن العشرين اكو بس خطوه وحده بينك وبين نجاحك وهدفك بس تحس رجليك ميعيننك توكف تكوم تجول بغرفتك الي مليانه كتب و نباتات تحسها سجن للافكار والأحلام تتأمل الباب الي حسيته للحظه سور حاجز جبير يمنعك تخرج للعالم الشي الوحيد الي تسوي تفكر وتفكر وتشرب كهوه وتزيد وزن هذا شنو هذا هو موت بطئ اكتئاب يمكن لو عجز مادري ماعرف شلون اوصفه انت تافه، ملل اني مليت منك كافي حابسني اترجاك خليني اطلع هسه فرصتي ليش خايف من الناس مراح تكول الناس عنك شي بالعكس راح يصفكولك اذا نجحت اي بس همات ممكن يكولون فاشل ميكدر يسوي شي بس انت ليش متشائم هسه جرب مخسران شي لا خلي اشوف الإنستا خلي اشوف متابعيني زادوا خلي اشوف منو شاف الستوري يمعود الناس عايشه محد منتظر الستوري مالتك كول ولله دمرت مستقبلي اسكت مابيه حيل يله لا تزعل راح افكر بفكرة جديده اوووو ولله راح انفجر كافي تفكر بدون متنجز احسني مضغوط جدا لأن هواي افكار بيه جاي تحملني اكثر من طاقتي لا لحظه عندي فكرة عبقريه اسوي قناة يوتيوب تخص الأدب
حياتك الثانية تبدأ لمن تدرك انك تمتلك حياة وحداة
