---

"Anak ka ng... BUNTIS KA?!" Halos hindi ko na gustong idilat pa ang aking mga mata dahil sa napakalakas at nakakatakot na boses ni Papa na umabot 'ata sa kabilang bundok sa sobrang lakas ng boses niya. Mahihimigan mo pang galit siya at hindi makapaniwala sa nalaman.

Sa boses pa nga lang ni Papa, alam na alam mo ng galit siya. Paano pa kaya itong mga tatlo kong Kuya na overprotective sa 'kin, edi mas malala pa 'tong mga 'to kay Papa. Mas lalong hindi sila makapaniwala na buntis ako.

Pvta naman kasi, sino ba namang mag-e-expect na mabubuntis ako? Eh, kilala nila akong baliko! Babae pero hindi straight. Parang half babae, half lalaki lang. Babae na medyo pusong lalaki gano'n.

Pero kasi... Hindi ko naman sinasadya ang nangyari. Na mabuntis ako. Malay ko bang magbubunga kaagad ang isang gabing kamalian ko sa buhay eh isang beses lang naman nangyari iyon!

Kasalanan talaga ito ng lalaking iyon!

Pero kasi... Hindi ko rin masisisi ang sarili ko nang gabing iyon. Shuta, ang gwapo eh! Hmmp!

Talagang luluhuran!