Description
Taong 2023. Bagong yugto, bagong syudad, at bagong pag-asa rin para kay Roy. Huminahon ang kanyang puso gaano man kalungkot lisanin ang kasintahang si Jolo dahil tuluyan nang idineklarang batas ang SOGIE Bill pagkatuntong niya ng bus patungong Maynila. Sa wakas, kumukulay na ang daan. Lumalawak ang isiniksik. Bitbit ang kalayaan ng pagiging bakla, komportable na ang trato niya sa sarili nang makitang muli si Diego, ang unang lalaki at kaisa-isang Protestanteng natipuhan niya noong nasa mababang paaralan ng San Simon. Mas mukha na itong ganap na lalaki. May natatanging bahid ng mundo. Umiinom ito ng beer, may tahimik na ngiti, tila nakikisaya sa kanilang kasalanan sa loob ng Sarinlahi. Sa kulay at rangya ng kasalukuyang kasarian, katotohanan ng isa't isang sa kisapmata ay maaaring dungisan. Pero hindi sa gabing 'yon. O kahit nang hilahin sila ng Diyos sa ikalawang pagkikita. Tunay nga bang may kayamanang matatagpuan sa dulo ng bahaghari?
roygbv
