Description
Bilang isang matapang at mabuting Komander ng mga Asul na Kabalyero si Xenophon na mismo ang nanguna at ang siyang humanap ng paaran upang manghingi ng tulong sa Bansa ng Salvalus. Na siyang tirahan ng mga Kunehong nagpapalit anyo bilang mga tao. Ang kanyang pagpunta sa Silingang bahagi ng bansa ay siyang kanya ding paghahanda. Kasama ang kanyang mga kasamahan inihanda na nila ang kanilang sarili sa mangyayaring hindi pagtanggap sa kanila ng mga Kuneho at ang Reyna ng mga ito. Ang basbasan ng panalangin ang nasasakupan ng buong Hadrianus ang isa sa mga kailangan ni Xenophon na hilingin sa Reyna ng mga Kuneho at ang malaman ang puno't dulo ng pagpaslang sa mga kababaihan. Madaming mga sekretong nakatago. Mga sekretong hindi alam ang puno't dulo. Mga sekretong matagal na itinago at itinapon sa pinakailalim na parte ng isipan. Sekretong nakakapagtaka, nakakagulantang, nakakasindak at mga sorpresa. Pagkakanulo. Panlilinlang. Kataksilan. Pagmamahal? wala yata sa bokabularyo niya iyon. Paano kung sa pagdilat niya sa matagal na pagkatulog ng ilang taon ay magugulat na lamang siya sa matutuklasan? Ang matuklasang ang magiting na Komander ng mga Asul na Kabalyero ay nagkaroon ng apat na disipulo at siya mismo ang guro ng mga ito. Isang sorpresa na hindi man lang niya napaghandaan at biglaan. Lalo pa ay nasa kakaiba siyang mundo. Isang mundong hindi niya alam kung saan at ano. Ang mundong magiging bago niyang tahanan at ang mundo kung saan siya makakahanap ng pagmamahal?
The Badass Commander
