Description
Start/End: Feb. 27, 2023 Tumatanaw ng utang na loob si Anna sa loob ng mahabang panahon sa pamilya Sawyer dahil simula nang siya'y maging ulila, ang nasabing pamilya na rin ang nagpakain at nagpaaral sa kanya at nagbigay daan para makapunta siya sa Poland at makakuha ng degree sa Linguistic course. Napaaga lang ang kanyang pag-uwi sa Pilipinas dahil sa bigla siyang nasesante bilang translator dahil sa isang mistranslated document ng kompanya na hindi naman niya kasalanan. At bago siya makauwi, pinahanap niya ang identity ng maimpluwensyang negosyante na nagpatanggal sa kanya sa trabaho sa tulong ng isang kaibigan. Iyon na rin ang dahilan kung bakit mahihirapan siyang makahanap ng bagong trabaho pabalik dahil nasira ng pangyayaring iyon ang reputasyon niya. Pagkabalik ni Anna mula sa ibang bansa, nakiusap agad sa kanya si Hyacinth na itakas siya sa mansyon at kung maaari, si Anna ang magpakita sa blind date ni Hyacinth sa bilyonaryong ni minsan ay hindi pa nito nakikita. Inamin din ni Hyacinth kay Anna na buntis siya sa nobyo nitong hindi galing sa marangyang pamilya kaya ayaw nitong maikasal o magkaroon ng commitment sa iba. Dala na rin ng awa kay Hyacinth, pumayag si Anna sa hiling nito kahit pa ikagalit ni Madam Celia. Nagpakita na rin siya sa blind date, ngunit hindi niya inaasahang gwapo ngunit arogante pala ang lalaking ka-date niya na nagngangalang Xander at alam na pala nito sa simula pa lang na hindi talaga siya si Hyacinth. Lalo pa siyang nainis dahil ininsulto ng binata ang pagkatao niya at hindi niya maipagtanggol ang sarili na may lihim palang paghanga sa kanya.
Part 1
