Disclaimer

Laking bukid si Sicarie. Akala niya ay sa bukid na lang siya titira sa buong buhay niya. Ngunit, nang siya ay nasa college na ay hindi inaasahang tinawagan siya ng kanyang tita na nasa Maynila para roon pag-aralin. Habilin kasi iyon ng yumaong niyang ina sa kanyang tita. Iniwan ni Sicarie ang buhay sa bukid pati na rin ang kaibigan niyang si April Avery na isang batang albolaryo para sa ikabubuti ng kanyang kinabukasan.

Sa Maynila, akala ni Sicarie na maayos lang ang lahat. Ngunit, panibagong hamon sa buhay ang kanyang kakaharapin nang makilala niya si Kiboy --- isang naughty and pervert na studyante sa paaralang papasukan niya, certified womanizer, playboy at pinuno ng mga bully students.

Sa una pa lamang nilang pagkikita, napa-ibig na agad si Sicarie sa kanya. Kaya ginawa nito ang lahat para mapalapit silang dalawa. Pero, tila hindi sang-ayon ang tadhana. Imbis na magkalapit, naging kinaiinisan siya ni Kiboy kaya ang bawat araw niya ay naging stressful.

Akala ni Sicarie ay hanggang magkaaway na lang sila. Hanggang sa isang araw, may nakita siyang isang matanda sa kalsada na halatang nanghihina sa gutom kaya kanya itong binigyan ng makakain. Kapalit ng tulong niya ay binayaran siya ng matanda ng nag-iisa nitong pink na panty.

Ayon sa matanda, mahiwaga ang panty. Kapag sinuot ng sino man ang panty na iyon, ang kagustuhan nito ay matutupad.

Para kay Sicarie, ito na kaya ang sagot sa matagal niyang kahilingan? Ang pink na mahiwagang panty na kaya ang magpapabago sa relasyon nila ni Kiboy na matagal na niyang gusto?

Tunghayan ang kuwento ni Kiboy at Sicarie with the power of the wonder panty...