Description
"Sumpaan ng pag-ibig" "kailanman ay hindi magwawakas" "ang dalawang puso ay muling pagtatagpuin" "Sa nakaraan, kasalukuyan at hinaharap" Magkasunurang bigkas ng dalawa. Kasabay nito ay ang paghiwa gamit ang matulis na patalim sa kanilang palad at matapos nito ay ipinagdaop nila ang mga ito at hinayaang tumulo ang kanilang dugo sa alak na inumin. Matapos yon ay inilagay nila ang alak na inumin sa kanilang lalagyan at sabay na ininom habang ang mga tingin ay hindi naghihiwalay. "Sugurin!!" napahinto ang dalawa dahil sa kanilang mga narinig mula sa di kalayuan. At nang kanilang tingnan, ang sumalubong sa kanila ay ang dating tahimik at payapang kagubatan na ngayon ay nilalamon na ng malaking apoy. Sa isang iglap lamang ay napapalibutan na sila, wala silang nagawa ng sila ay paghiwalayin. "Ama! Ama! " sigaw nito ngunit tiningnan lamang siya nito nang puno ng pagkadisgusto. Hila-hila ng mga kawal ang kaniyang kasintahan, gamit ang isang kadena ay iginapos nila ito sa isang kahoy at binuhat palayo sa gubat na kanilang tinirhan ng nakalipas na taon. "Ama! Ina! " pilit siyang kumawala ngunit hindi siya makaalis sa pagkakatali. Naglakbay sila habang paulit-ulit siyang nagmamakaawa sa mga ito. Kitang-kita niya kung paano ng mga ito saktan ang kaniyang iniibig. Wala siyang magawa. At nang makarating sila sa kanilang paruruonan, kumabog ang kaniyang dibdib at nagsusumigaw upang siya ay pakawalan ngunit tila mga bingi at walang narinig ang mga ito. Nagsimula ang mga itong palibutan ng dayami habang ito ay hinang-hinang nakagapos sa malaking bakal. "huwag! Huwag! Ina! Nakikiusap ako! Ama! Huwag! Huwaaagg!!!!" pilit niyang sigaw at bigla siyang natahimik, napatulala siya habang rinig ang sigaw nito na ngayon ay niyayakap na ng apoy ang buong katawan. Isa-isang bumagsak ang kaniyang mga luha. Ang kaninang matamis na ngiti sa kanilang mga labi ngayon ay napalitan ng hinagpis ng kanilang puso at sigaw ng kanilang mga mata.
Prologue
