ផ្ដើមរឿង

ឈុតដកស្រក់

ក្នុងជីវិតជា ម៉ាហ្វៀ គ្រប់គ្នាតែងតែគិតថាពួកគេជាមនុស្ស អាក្រក់ សាហាវ ព្រៃផ្សៃ ឃោឃៅ ស្លាប់មនុស្សមិនញញើតដៃ។ មែនពួកគេជាមនុស្សបែបនោះ បើមិនសាហាវ ឃោឃៅ មិនសាកសមជាស្ដេចនៃសង្គមងងឹតនោះទេ ហើយក្នុងនោះក៏មានគេដូចគ្នា។ ម៉ាហ្វៀ ឈាមត្រជាក់ លាក់បង្កប់អាថ៌កំបាំងជាច្រើនក្នុងខ្លួន តែជាសុភាពបុរសដែលមនុស្សស្រីគ្រប់គ្នាប្រាថ្នាចង់បាន។ តែគេហ្នឹងសាហាវ ព្រៃផ្សៃ ចំពោះមនុស្សដែលហ៊ានល្មើសបញ្ជារបស់គេ ហើយនោះគឺជានាង។ គេហ្នឹងបង្ហាញ ពីធាតុបិសាចសាតានក្នុងស្រោមទេវបុត្ររបស់គេ ឱ្យនាងបានដឹងថាវាយ៉ាងណា។
"ហ៊ឹក លោកម៉ាឡន ហ៊ឹក ដោះលែងខ្ញុំទៅ ខ...ខ្ញុំមិនបានធ្វើអ្វីខុសទេ ហ៊ឹក ខ្ញុំមិនបានក្បត់លោកនោះទេ ហ៊ឹកៗ" ដៃតូចលើកសំពះ អង្វរអ្នកកំលោះ មិនតែប៉ុណ្ណោះនាងក្រមុំ នៅឱនក្រាបក្បាលដល់ចុងជើងរបស់គេ ដោយសង្ឃឹមថាគេហ្នឹងយោគយល់ចំពោះខ្លួនដូចគ