Silweta Ng Mga Hadlang

Paano ako lilipad kung isa akong banoy at ikaw aking bagwis?

Ka-kanan? Pupunta ba ng kaliwa? Di-diretso o lilihis?

Saan ako pupulutin sa oras na walang-wala, hinang-hina at pagod na pagod na ako?

Paano kapag ang naging resulta ng pangamba ay ang balintuna nito?

Naririnig mo ba ang mga panaghoy ko sa panahong ako'y nalulumbay?

Nakikita mo ba ang paghihirap ko sa puntong ako'y ubod ng tamlay?

Tinahak ko ang dagat na gipal-pal ng tinik;

Pigil-hikbi, buntong-hininga; nagpatuloy ng walang imik.

Ang halimuyak ng mga bulaklak ay naging amoy na mapangahas;

Bawat dilim na tinahak- libong pawis ang tumagaktak.

BAWAT SILWETA AY MAY MGA HADLANG...