Author's Note

"'Yong puso natin, napapagod 'yan kapag nasasaktan, pero iyong pagmamahal doon hindi nawawala. Nagpapahinga lang pero nando'n pa rin."

Taon na rin ang binilang ni Michelle para sa sinasabi niyang retreat. Retreat na parang hide-and-seek, hindi sa ibang tao na nakakikilala sa kanya kundi sa sarili niya... sa puso niya.

Hanggang sa dumating ang panahong wala na siyang mapagtataguan--- napagod na siyang umiwas. Akala ni Michelle, sa muling paglabas niya sa mundong tinalikuran niya--- kaya na niya. Pero nang makita niya si Alvin, mabilis na gumuho ang pader na itinayo niya sa sarili.

Ang buong pagkatao ng binata ang nagbalik nang lahat ng pagod at sakit sa puso niya na akala niya namanhid na...