Description
Mala-gintong kulay at umaalon na buhok. Makinis at mamula-mulang kutis. Nakaarkong kilay na katamtaman ang kapal na lalong nagpapaamo sa kanyang mukha at ang malantik na pilik na nakapatong sa mapupungay na mata. Ang matingkad na kulay asul na mga mata ay tila sumasalamin sa kulay ng mundo. At ang ilong ay tila isang matarik na kabundukan. Idagdag mo pa ang manipis, mapula at korteng puso mga labi na tila ba laging nakangiti. Ang hitsura at kilos nya ay laging tila sumisigaw ng kagandahan at karangyaan. Ang lahat sa kanya ay kinaiinggitan at hinahangaan ng parehong kababaihan at kalalakihan. Ngunit sa likod ng kanyang mukha ay isang misteryosong buhay. Misteryong hindi nya malaman-laman. Katulad ng pagiging misteryo kung sino ba talaga ang ama niya. Totoo nga ba ang sinabi sa kanya ng tita nya noong bata pa sya na demonyo ang ama nya? Na anak sya ng demonyo? Kaya ba Knight Mhearzle; hango sa salitang 'nightmare'; ang ipinangalan sa kanya ng ina dahil bangungot para dito ang pagkakaroon ng anak na tulad nya?
Prologue
