Description
Kilalanin si Zariya Serein Cortez, isang ordinardyong estudyante na nagmula sa modernong mundo ang napadpad sa taong ilang dekada na ang nakalipas at sa kakaibang mundo na sa panaginip niya lamang nakikita noon. Dahil sa isang insidente, ang kaniyang tahimik na buhay ay biglang nagbago sa isang iglap. Siya ay napunta sa Kaharian ng Norland upang gampanan ang misyon na iniatas sa kaniya. Siya ay mamumuhay bilang si Prinsesa Amity, ang kaniyang katauhan sa nakaraan. Bahagi ng misyon ang pagkilala niya sa limang Prinsipe, mga Prinsipe na may malaking papel na gagampanan sa kaniyang buhay. Upang makabalik sa modernong mundo, kinakailangan niyang magtagumpay sa ibinigay na misyon sa kaniya. Ito ay ang pangalagaan ang kapayapaan at protektahan ang Kaharian ng Norland laban sa Kaharian ng Lacandia. Ngunit habang siya'y namamalagi sa Kaharian ay 'di sinasadyang magkagusto siya sa isang Prinsipe. Sa hindi inaasahang lugar at panahon, ang kaniyang puso ay tumibok sa lalaking bahagi ng kaniyang nakaraan. Makakaapekto kaya sa misyon ng dalaga ang pag-ibig na mayroon siya para sa Prinsipe? Tama kayang umibig si Zariya sa lalaking galing sa nakaraan samantalang siya ay nabubuhay sa hinaharap?
THE KINGDOM OF NORLAND
