Author's Note

Dalawang magkaibang indibidwal ang pagtatagpuin ng pagkakataon: Isang lehitimong Pinoy na naging dayuhan sa lupang sinilangan; at isang dalagang nagnanais na makaalis sa lupang kanyang tinubuan.

Tipikal na tubig at langis tuwing sila'y magsasalpukan. Ngunit paano na lang kung sa tulong ng isa't isa ay kapwa silang makikinabang?

Mahanap pa nga kaya nila ang daan sa dakong paroon o wala pa man nasisimula'y pawang gulo na agad ang mangingibabaw sa kanilang pagitan?

Pitong araw na babago sa lahat ng bagay na kanilang kinamulatan... magpapahuli pa ba sila sa biyahe ng buhay?