Description
Bawat araw sumasakay si Ailey Espinar sa bus upang makarating sa Unibersidad de Laurente. Nakikipagsiksikan, tulakan at pambuno muna siya para lang makaakyat upang makarating sa kaniyang destinasyon. Masasabing madaldal, masayahin at palakaibigan si Ailey. Nagkagusto siya sa Nursing Student, iniligtas siya nito sa lalaking nambastos sa kaniya hanggang isang araw nagulat na lang siya na malapit na sila sa isa't isa. Natagpuan niya ang sariling parang baliw na nakangiti at masaya tuwing pupunta sa sakayan ng bus. Sa loob ng apat na araw palagi silang nagkakasama ng lalaking ito, pero hindi niya man lang inabalang tanungin kung ano nga bang pangalan niya. Sa ikalimang araw nilang magkasama napagdesisyunan niyang tanungin ang pangalan subalit bubuka pa lang ang kaniyang bibig naitikom niya na iyon dahil sa lakas ng sigawan ng mga tao, maaaksidente sila! Akala niya ay katapusan na ng buhay niya, pero may mga bisig na yumakap at promotekta sa kaniya. Hindi niya inaasahang naligtas siya sa masalimuot na pangyayari-niligtas siya ng lalaking kahit pangalan ay hindi niya alam. Iyon ang araw na naisipan niyang tingnan ang I.D. nito-Denveir Camerino. Namatay siya sa aksidente, hindi niya man lang nasabi ang nararamdaman niya para rito. Simula nang mangyari ang trahedya natakot na siyang sumakay sa bus. Lumipas ang ilang buwan, habang naglalakad siya sa hallway ng Laurente bitbit ang box ng buko pie may bigla na lang tumawag sa kaniya. Kinabahan at natulala na. Wala sa sariling tinakbo niya ang distansya nila ng lalaking kamukhang-kamukha ni Denveir! Sino nga ba ang lalaking 'yon? Siya ba talaga si Denveir?
Prologue
