Description
Ang sabi ng lolo ko, bago mag dilim kailangang nasa bahay na ang lahat. Ala Sais impunto, dapat handa na ang lahat para magrosaryo at pagkatapos sabay sabay pagsasaluhan ang hapunan. dati rati daw, si Juana hawakan lamang sa kamay ni Juan at natyempuhang nakita ng kapitbahay na usisero't usisera, tiyak na sumbong kina Inay at Itay na tila nahuling naglalampungan sa harap ng madla. Naturalmente, sila Inay at Itay nang dahil sa kahihiyan ay agad mamumwersa ng kasalang pagbubulungan ng buong bayan dahil sa MALING AKALA. Dahil sa dikta ng maruming pag iisip at bunsod na din ng KULTURANG kinagisnan. Kulturang masasabing naiiba at maituturing na tatak ng MAKALUMANG PINOY. Ansabe? LUMA? Ano ba ang BAGO? Ang BAGO daw, gabi pa lamang magsisimula ang umaga, magdarasal kung may kailangan sa Kanya at pupunta sa simbahan kasama ang nobyo at nobya habang naglalampungan. ang matinde pa dito, Harutan sa kalsada, halikan sa sinehan, landian sa cellphone
Part II-Si Juan Dela Cruz: Noon at Ngayon
