Prologue

Para kay Annie, ang breadwinner ng kanilang pamilya, ang pag-ibig ay para lamang sa mga walang mabibigat na obligasyong kinakaharap sa pamilya.
Naniniwala siyang may kinikilalang antas sa lipunan ang pag-ibig; ang mayaman para sa mayaman; mahirap para sa mahirap. Naniniwala siyang hindi ito nahihiling sa isang shooting star o wishing well. Para sa kanya, ang lahat ng bagay ay hindi basta basta nakukuha sa simpleng pagsabi ng "gusto ko...". Ang lahat ay pinaghihirapan at dapat na ipinaglalaban upang makuha ang ninanais ng iyong puso.

Ngunit, nagbago ang lahat ng kanyang pananaw nang maisulat ng tadhana ang mga pangalan nila sa mga BITUIN.