Mali Man

Alam kong mali ang pag-iibigan nating dalawa pero handa akong samahan ka, pakinggan ka at higit sa lahat handang gawin ang lahat para sayo. Noong unang beses kitang makita sabi ko sa sarili ko, "Ito na yung taong gusto kong makasama mula umpisa hanggang huli, sa kanya ko gustong gawin ang lahat ng hindi ko nagawa sa ilan." Hindi man madali pero sabay nating haharapin ang lahat ng pwedeng ibato sa atin. Nandito lang ako sa tabi mo, kahit anong mangyari hindi ko hahayaan na mag-isa ka. Kung may kailangan man akong isuko, isusuko ko ang mga bagay na mayroon ako. Sayo ko lang nakikita ang sarili ko at higit sa lahat ikaw ang kasiyahan ko.