Chapter I

Dalawang rason kung bakit galit si Hunter kay Carmela: una, anak ito ng lalaking pumatay sa ama niya; pangalawa, niloko siya nito dalawang linggo bago ang kasal nila. Inalagaan niya ang galit niya sa nakalipas na mga taon. Nang magbalik siya sa bayan na iyon ay ipinangako niya na maghihiganti siya. Ngunit ano ang gagawin niya kung sa tuwing nakikita niya ito ay wala siyang gustong gawin kundi hagkan at protektahan ito?

Alam ni Carmela na galit sa kanya si Hunter. Alam niya na mali ang muling mapalapit dito. Ngunit paano siya lalayo kung sa piling lang ng lalaki siya nakakaramdam ng kaligtasan. Huwag ng idagdag pa ang pagmamahal na inalagaan niya sa nakalipas na mga taon kahit na iniwan siya nito sa pinakamadilim na bahagi ng buhay niya.