Description
Fairy tale Happy ending Happily ever after Alam kong sa henerasyon ngayon, marami na ang hindi naniniwala sa mga salitang iyan. Katuwiran nila, wala raw ganoon sa totoong buhay kasi lahat ng tao mamamatay o di naman kaya wala iyan at hindi totoo kasi hindi naman daw sila masaya. Marami pang dahilan na hindi ko matanggap dahil sa totoo lang, may fairytale naman talaga. Hindi lang nakikita ng iba kasi hindi sila marunong makuntento, lagi na lang may kulang. Isa pa, wala naman daw kasing magic sa mundo kaya hindi totoo ang fairytale. So Paano kaya kung titingnan ang magic sa ibang aspeto? Kung tutuusin, napaka-magical naman talaga ng buhay, e, hindi lang natin ito alam dahil ayaw nating tingnan o sadyang tinatakpan lang natin ng negatibo ang positibo. Oo, wala pa akong boyfriend dahil teenager pa lang ako. Pero hindi ibig sabihin noon bitter ako dahil alam kong marami pa ring dahilan para maging masaya ka. Alam ko rin na may happy ending dito sa mundong ibabaw. Hindi naman ipapamulat sa mga bata ang fairytale stories gaya ng kay Aladdin kung hindi totoo, e. Paano ko nasabi? Dahil nakikita ko ito sa ibang aspeto. Isa na rito ang pag-ibig. Alam kong mayroon pa ring mga tao na dalisay at wagas kung umibig, gaya ng mga nasa fairy tale stories. Iba nga lang ang paraan at may kalakip itong sakit sa bawat pagsubok na kailangan nating lampasan mapatunayan lang ang pag-ibig natin. Hindi rin ito tipikal na darating si Prince Charming at sasagipin ang prinsesa, dahil hindi natin kaibigan ang tadhana. Hindi nalalayo ang kaniyang paghamak sa di mapapantayan nating hangarin na umibig at ibigin. Nasa atin na lang kung paano tayo makikibaka sa kaniyang madayang paglalaro. Hindi ko kayang ipaliwanag ito sa pamamagitan lang ng salita pero kapag ikinuwento ko na ang buhay ko, baka through that, I can make a better explanation. I am not going to introduce myself as of now, but let me tell you my story. Let me tell you my life and how I was brought to a whole new world.
Message (Must Read)
