Description
"The sweet taste of your blood makes my body ache for more..." -Timothy HUNTING KENDRA (The Last Vampire) PUBLISHED UNDER RM PUBLISHING HOUSE Vampire/Zombie/Wolf Series Written by: Babz07aziole Ilang libong taon nang pinaghaharian ng angkan nina Timothy ang kaharian ng Zowol. Isang tagong mundo, kung saan mga naagnas na katawan ng mortal o kadalasan ay tawaging zombie sa mundo ng mga tao. Sakop din nila ang lahi ng mga lobo, kung saan sa pagdaan ng maraming henerasyon ay nagkaroon na ng pagkakabuklod at pagkakaisa sa bawat panig sa pagitan ng magkaibang lahi. Ngunit isang lahi ang hindi sang-ayon sa panukalang pag-isahin ang lahat. Ito ang mga lahi ng Bampira, kung saan una silang napadpad sa mundo ng Acerria. Sa hindi inaasahang pangyayari, nagkaroon ng malaking digmaan sa pagitan ng mga Zowol at Bampira na tumagal din nang ilang siglo. Sa labanan na naganap ay tuluyang nagapi at naubos ang mga lahi ng Bampira. Pero iyon ang inaakala ng lahat-dahil may nag-iisang natira sa mga lahi nila. Si Kendra-ang anak ng Hari ng mga Bampira kay Aliyah, isang mortal na nakatakas bago maubos ng Zowol ang lahi ng Bampira. Patuloy ang paghahanap sa nasabing huling bampira ngunit hanggang sa kasalukuyan ay nanatiling walang pagkakakilanlan nito. Tanging ang pilat na kalmot sa likuran nito na ginawa ng hari ng mga lobo ang palatandaan dito. Sa pagdaan ng mga taon, tuluyang kinalimutan ang paghahanap dito. Ngunit sa hindi inaasahang pangyayari ay muling hahanapin si Kendra dahil nakasalalay sa huling dugo ng bampira ang kaligtasan ng mundong kanilang ginagalawan na nanganganib mawasak sa hinaharap. DATE STARTED: September 28, 2019 DATE END: OCTOBER 17, 2019
SYNOPSIS
