Prologo

Hindi pa isinisilang si Anika ay ikinasal na siya sa isang lalaking hindi pa niya nakikita't nakikilala. Noong una, inisip niya na isa lamang iyong kabaliwan at napaka-imposible dahil wala namang bata na hindi pa ipinapanganak ang bigla na lamang ikakasal. Ngunit ang lahat ng inaakala niyang biro at kalokohan ay bigla na lamang nagkatotoo nang isang araw ay may isang napakagwapo at napakatikas na lalaki ang nagpakita sa kanya at sinasabing siya raw ang kanyang asawa at na kailangan na nilang magsama sa madaling panahon upang magbuklod na ang mga katawan nila at nang maisalba nila ang natitirang lahi ng mga taong lobo sa bayan nila. Magawa kayang pakisamahan ni Anika ang isang nilalang na kakaiba sa kanya? Maniwala kaya siyang asawa niya talaga ito mula pa noong hindi pa siya pinapanganak? Magawa kayang iligtas ng kanilang relasyon at pagsasama ang huling lahi ng mga taong lobo?