KABANATA 00: SI SALIR, ANG PANGLIMANG APO

NARITO ang kilalang kuwentong bayan sa Gabuna may pamagat na, Si Salir, Ang Panglimang Apo. Gaya ng ibang mga kuwentong bayan, ito ay nagpasalin-salin sa bibig ng mga ninuno pa ng mga tibaro. Tanyag na tanyag ang kuwentong ito sa mga tibaro. Sa unang grado pa lang ng mag-aaral na tibaro ng Gabun, nangunguna ito bilang bahagi ng kanilang panitikan na ikinukuwento ng mga ibalong o ng kanilang mga guro. Gaya ng kahit na anong kuwentong bayan, walang nakakaalam kung sino ang sumulat nito: