1. The Meeting

Kilalang player si Karen at ang pastime niya ay ang magpaluha ng mga lalaki, lalo na iyong mga kasama sa mga tinaguriang "Playboy Millionaires." May ulterior motive siya sa ginagawa niya. She wanted revenge.

Nang makilala niya si Stock nang minsang iligtas siya nito sa kapahamakan dahil sa kalokohan niya, naisip niya na ito ang pinakamagandang paglaruan dahil talagang ubod ng palikero ito. Kumakagat na ito sa kanya at nahuhumaling na sa charms niya. Sapat na iyon para saktan na niya ito. Pero nag-backfire ang lahat ng plano niya.

Paano ba niya paglalaruan ang isang tulad nito na walang ibang ginawa kundi alagaan at protektahan siya... at higit sa lahat, tanggapin at mahalin ang buong pagkatao niya?