Prologue-Chapter One

Nakilala ni Cesar Ian si Joemie noong bata pa siya. Ibinigay niya rito ang kanyang bracelet kapalit ng nawawalang bracelet nito para hindi na ito mapagalitan ng ina nito. Pero bago ito umalis ay ginawaran siya nito ng isang halik sa pisngi niya na siyang tumatak sa murang puso't isipan niya. Linggo-linggo ay bumabalik siya sa plaza sa harap ng simbahan nagbabasakaling makita pa niya itong muli pero hindi na niya ito muli pang nakita. Ipinangako niya sa murang puso niya na kapag nakita niya itong muli ay liligawan niya ito.

Lumipas ang mga taon at nasa kolehiyo na siya ay nakilala niya si Joemie Martizano suot nito ang bracelet na binigay niya sa batang iyon sa plaza noon. Niligawan niya ito at naging sila. Naging ON and OFF ang relasyon dahil sa hindi niya maunawaan ang ugali nito. Pero always to the rescue naman ang bestfriend niyang si Jomai sa kanya na laging dumadamay sa kanya sa kanyang mga kabiguan, kasawian at kalungkutan sa buhay. Hanggang sa hindi na lang niya namalayan ay nahulog na pala ang loob niya sa bestfriend niya at nabulabog doon ang mundo niya. Pero mas lalong nabulabog ang mundo niya nang malaman niya ang lihim ng dalawang babaeng importante sa buhay niya. Ang lihim ni Joemie at ni Jomai.