Prologue

Sa isang iglap nabago ang mundong kinagisnan ng lahat. Nasira ang natural na harang na naghihiwalay sa mundo ng mga tao at ang mundo ng mga elemental na nilalang. Nagsimula din ang paghahasik ng lagim ng mga manankop galing sa kalawakan. IIsa lamang ng sinisisi ng lahat - si Anino, ang diyos ng poot at dilim.

Hindi na bago kay Anino ang kamuhian ng lahat. Natural na ang kasamaan sa kanyang isip at gawa pero bakit parang may mali? Mali ang kanilang binibintang! Alam niya sa sarili at sa pusong biglang tumitibok sa kanyang dibdib na inosente siya, na wala siyang kasalanan! Pero paano niya ito mapapatunayan ngayon pa na siya na dating diyos ay naging mortal na tao na lamang?