Dear Classmates

Ang kuwentong ito ay maihahango natin sa isang simpleng mag-aaral na walang ibang hinangad kundi ang maging tunay na masaya sa buhay. Sa kuwentong ito, makikita natin kung gaano niya ninais ang magkaroon ng mga totoong kaibigan na iintindi at magmamahal sa kanya. Ilalabas ng babaeng si Eesha ang lahat-lahat. Wala na siyang itatago. Wala na siyang kinatatakutan pa. Magalit na ang dapat magalit. Umiwas na ang dapat umiwas. Wala na siyang pakialam sa kung anuman ang sasabihin ng mga tao makamit niya lang ang pinakainaasam-asam, kahit isang patak lang ng kaligayahan.