Prologue

Hayskul pa lamang ay nakaalalay na si Jean kay Miro. Siya ang naging pangatlong saklay ng binata. Sa kabila nang sungit at pagiging mailap nito sa tao ay nagawa ng dalaga na tibagin ang pader na ipinalibot nito sa sarili. Naging magkaibigan, hanggang sa naging magnobyo't magnobya, hanggang sa naging mag-asawa.

Maayos naman ang kanilang pagsasama. Wala namang problema. Iyon ang pinaniniwalaan ni Jean. Iyon ang pilit niyang dinudutdot sa kanyang puso't isipan. Ngunit talaga ba?