Prologue

* published by Bookware, under MSV Desire.
** Raw, unedited

Nagtungo si Warren Benitez sa Siquijor para hanapin at pakiusapan ang dati niyang kaklase na bawiin nito ang sumpa na walang babaeng magmamahal sa kanya nang totoo at hindi siya magiging masaya kahit kailan. Grade 4 lang sila noon at hindi naman siya naniniwala sa mga kulam o sumpa, pero dahil anim na beses nang nangyaring iniwan siya ng babaeng gusto niya, naniwala na rin si Warren.
Pero ibang Socorro Magaspac ang humarap sa kanya. Hindi ito iyong babaeng kapag nakikita niya ay napapasimangot siya. Itong isang ito, gusto niyang titigan, halikan, at mahalin.
Teka lang, naisip ni Warren, hindi kaya nagayuma siya?